U Kotoru su počele karnevalske svečanosti koje kroz prerušavanje i smijeh slave mediteranski duh duž Jadrana. To je i vrijeme kada vidljiva postaju amaterska društva koja kroz humor precizno oslikavaju likove i svakodnevicu svojih sredina.
Vaš browser nepodržava HTML5
Početak karnevala
Tako je kapo od karnevala Jovica Martinović označio početak maškaranih svečanosti u Kotoru.
Kulturu karnevala iznjedrio je Mediteran kao radost prerušavanja, smijeha i običaja koji čuvaju duh starog grada Kotora.
Taj humor provejava i kroz predstavu Dako skapulamo za koju je tekst napisala Dolores Gašler. Dolores je zaljubljena u svoj Kotor a mi je pitamo koliko se taj grad uspijeva odbraniti od banalizacije karnevalske kulture?
“Neke sitne detalje i tradicije smo izgubili. Međutim, ove godine smo ponovo povratili na scenu jedan lik koji žali za starim karnevalom i koji na kraju bude spaljen na trgu. Dakle, karneval je nekada bio tako tradicionalan sa svim onim malim detaljima i segmentima koji su činjeli kotorski karneval tipičnim mediteranskim. No, vremena se mijenjaju, dolaze novi ljudi i mijenjaju samu tradiciju, uvode neke nove stvari i naravno da mnogi oni koji se sjećaju karnevala prijed 20 i više godina žale za tim nekim sitnim stvarima. Što da radimo kada se stvari mijenjaju.No,stanovnici Kotora se trude da taj karneval opstane”, kaže Dolores Gašler.
Vaš browser nepodržava HTML5
Dako skapulamo
Kotorani čuvaju i tradiciju amaterskih grupa a one su bit kotorskog grada:
“Kotoro je vazda bio takav, a ona druga stvar je i taj naš mentalitet. Mi ovdje u Kotoru kažemo da za vrijeme karnevala vrijedi svaka šala”, kaže Dolores Gašler.
