Tajvanski ministar vanjskih poslova Tajvana Džozef Vu izjavio je u srijedu da je Kina izgradila "ogromne" vojne baze na ostrvima, koja se nalaze blizu tajvanskih voda, u Južnom kineskom moru.
Baze su, prenosi Rojters, izgrađene na spornim Spratli ostrvima, u južnom dijelu tog mora.
Obje zemlje polažu pravo na vode Južnog kineskog mora kao svoju teritoriju, ali Tajvan kontroliše samo jedno ostrvo pod nazivom Itu Aba, koje Tajvan naziva Taiping.
Tajvanski šef diplomatije Džozef Vu rekao je da nema sumnje da ostrvo pripada Tajvanu i da će Vlada te zemlje braniti suverenitet nad tim ostrvom.
"Kina je izgradila ogromne vojne baze na ostrvima u blizini Taiping ", rekao je Vu.
On je precizirao da će tragati za mirnim rešavanjem spora.
"Tajvan mora razmotriti kako da upotrijebimo mirna sredstva za rješavanje pitanja Južnog kineskog morakako drugi ne bi pomislili da Tajvan stvara teškoće."
Rojters prenosi i da je Kina izgradila vojne objekte i baze na svojim ostrvima u Južnom kineskom moru, što je izazvalo veliku zabrinutost Vašingtona.
S druge strane, Kina tvrdi da ima pravo da gradi na ostrvima koje smatra "svojom teritorijom".
Inače, samoupravni Tajvan ne želi prisajedinjenje Kini, ali se uzdržava od formalnog proglašenja nezavisnosti. SAD, pak, podržavaju politiku "jedne Kine", ali i pomažu Tajvanu da se odbrani.
